Մեր ընտանիքում Ամանորը ամենագունեղ տոներց է։ Ես և եղբայրս շատ ենք սիրում Ամանորը, հատկապես նախապատրաստական աշխատանքները, երբ պետք է ողջ տունը գեղեցիկ դեկորներով զարդարել։ Ամանորի նախապատրասական աշխատանքների մեծ մասը կազմում է տան զարդարումը և հարազատներին նվերներ գնելը։ Մեր տոնածառը շատ մեծ է և մի ամբողջ օր մենք միայն տոնածառն ենք հավաքում և զարդարում։ Այդ օրը իսկական տոն է դառնում մեր ընտանիքի համար։ Տոնածառը զարդարում ենք Ամանորյա ուրախ երգերի ուղեկցությամբ։
Ամանօրյա նվերներ գնելը ինձ համար ևս շատ հաճելի զբաղմունք է։ Մայրիկիս նվերը միշտ հայրիկիս հետ եմ գնում գնելու, իսկ հայրիկիս նվերը՝ մայրիկիս։ Եղբորս համար իմ հավաքած գումարով որևէ խաղալիք եմ գնում։ Մայրկիս հետ մի ամբողջ օր նվիրում ենք տատիկ-պապիկների և մյուս հարազատների նվերները ընտրելուն։ Եղբայրս և հայրս առանձնապես չեն սիրում գնումներ կատարելու ընթացքը, այդ իսկ պատճառով միշտ մայրիկիս հետ մենակ ենք գնում գնումների։
Մեր ընտանիքում Ամանորը նշում ենք միայն դեկտեմբերի 31-ի գիշերը։ Մեզ հյուր են գալիս տատիկներս ու պապիկներս, նաև հորաքույրս իր ընտանիքով։ Նրանք իրենց հետ ինչ-որ հետաքրքիր ուտեստներ են բերում՝ աղցաններ կամ տորթեր, իսկ մայրիկս պատրաստում է որևէ համեղ ճաշատեսակ։ Ժամը 12-ից հետո բոլորս միմյանց նվերներ ենք նվիրում։ Ամանորյա գիշերը միշտ շատ ուրախ է անցնում։ Ես և եղբայրս մինչև ուշ գիշեր հարազատների հետ արթուն ենք մնում։ Լուսադեմին մեր հարազատները գնում են իրենց տները, և մենք գնում ենք քնելու։ Հուվարի 1-ից սկսած մենք հիմնականում տանը չենք լինում։ Գնում ենք տարբեր Ամանորյա ներկայացումների, երեկոները անցկացնում ենք քաղաքում զբոսնելով։ Վերջին տարիներին Ամանորը տանը նշելուց հետո հաջորդ օրերին գնում ենք քաղաքից դուրս, հիմնականում Ծաղկաձոր կամ Դիլիջան, հանգստանալու։