1.Ընդգծված դարձվածքները փոխարինիր հոմանիշ բառերով:
Փարիզից Վարշավա թռչելիս լեհ կինոդերասան Ցիբուլսկու աչքով ընկավ, որ կողքի ուղևորը սիրտը դող ընկած նստած է:Նա փորձեց հարևանին սիրտ տալ:
— Մեր օրերում ինքնաթիռով թռչելը դատարկ բան է,- ասաց,- նույնիսկ ավտոմեքենան ավելի վտանգավոր է: Էս քանի օրը բարեկամներիցս մեկի մեքենայի գլխին ինքնաթիռ ընկավ:
աչքով ընկավ – տեսնել, նկատել, նշմարել, պատահաբար տեսնել
սիրտը դող ընկած – վախենալ, սարսափել, երկյուղել, սարսռել
սիրտ տալ – հույս տալ, ոգևորել, թևավորել
դատարկ բան – հասարակ, սովորական
2.Տրված դարձվածները արտահայտիր մեկական բառերով:
Պատի ծեփ դառնալ – գունատվել, սփրթնել
Պայման կապել – պայմանավորվել
Քիթը կախել – նեղանալ
Բերանը բաց մնալ – զարմանալ
3.Տրված արտահայտություններից յուրաքանչյուրով երկու նախադասություն կազմիր` մի դեպքում դրանք գործածելով ուղիղ իմաստով, մյուս դեպքում` որպես դարձվածք:
Մատը մտցնել բզեզի բույնը, մատը կծել, մատից փուշ հանել:
Փոքրիկ տղան չզգալով վտանգը մատը մտցրեց բզեզի բույնը։
Իմ քույրիկը սիրում է մատը մտցնել բզեզի բույնը։
Երբ խաղում էի փողոցի շան հետ, հանկարցակի մատս կծեց։
Երկար մտածելուց հետո, երբ հասկացա խնդրի իմաստը, մատս կծեցի։
Ես ասեղով մատիցս փուշը հանեցի։
Լավ ընկերը միշտ մատից փուշը կհանի։
4.Փակագծերում տրված դարձվածքներն իրենց հոմանիշների փոխարեն գրիր:
Մի անգամ Նապոլեոնը հյուրասիրում էր իր բժշկին:/ Օրերից մի օր/
Օրերից մի օր Նապոլեոնը հյուրասիրում էր իր բժշկին:
Երբ բժիշկը հարբել էր, կայսրը հարցրեց.
— Մի լռիր, բժիշկ, ասա, քո ամբողջ կյանքում քանի՞ մարդ ես սպանել:/ Բերանդ ջուր մի առ, էն աշխարհն ուղարկել/
— Բերանդ ջուր մի առ, բժիշկ, ասա, քո ամբողջ կյանքում քանի՞ մարդ ես էն աշխարհն ուղարկել։
Բժիշկը պատասխանեց.
— Երեք հարյուր հազարով պակաս մարդ եմ սպանել, քան Դուք:/ Գրողի ծոցն ուղարկել/
— Երեք հարյուր հազարով պակաս մարդ եմ գրողի ծոցն ուղարկել, քան Դուք:
5.Նախադասությունների մեջ ընդգծված արտահայտությունները փոխարինի՛ր հոմանիշ բառերով:
Հանկարծ սիրտը դող ընկավ. բա որ գազանը նորից գա, ինքն ինչ է անելու:
Հանկարծ վախեցավ. բա որ գազանը նորից գա, ինքն ինչ է անելու:
Այ քեզ պատմություն, լսողների մազերը բիզ-բիզ էին կանգնել:
Այ քեզ պատմություն, լսողները զարմացել էին:
Մի մատ երեխա է, բայց ինչեր գիտի:
Փոքր երեխա է, բայց ինչեր գիտի:
Ձեռ ու ոտից ընկած մի մարդ բացեց դուռը:
անաշխատունակ մի մարդ բացեց դուռը:
6.Տրված դարձվածքների իմաստները բացատրի՛ր:
Ջրից չոր դուրս գալ – նեղ վիճակից անվնաս փրկվել
սիրտ տալ – խրախուսել, ոգևորել
գլուխը կորցնել – շփոթվել, խուճապի մատնվել
հալից ընկնել – հյուծվել, հոգնել
սիրտը վկայել – կանխագուշակել, նախազգալ
սիրտ անել – համարձակվել, չվախենալ
Եվա Սմբատյան 