Տալ նոր բառերի, հասկացությունների բացատրությունը:
տիտղոսաշար – իշխանական կոչումների շարան
Թվարկել Վանի թագավորության հզորացման պատճառները
Վանի թագավորությունը սկսել է հզորանալ Սարդուրի I-ի օրոք։ Նա թագավորությունով մեկ ծավալել է մեծամաշտաբ շինարարություն և կառուցել է Տուշպա մայրաքաղաքը։ Իր բարեփոխումները շարունակել է իր որդին՝ Իշպուինին։ Դաշնային աշխարհազորը փոխարինվել է մշտական կանոնավոր բանակով: Ստեղծվել են տեղական սեպագրերը։ Կարևոր էին կրոնական բարեփոխումները՝ տերության միասնական դիցարանի ստեղծումը։ Իշպուինին հարավում ընդլայնել է տիրույթները՝ Ուրմիա լճի ավազանից մինչև Պարսուա երկիր, հյուսիսում` մինչև Հայկական Պար լեռնաշղթա: Մենուայի օրոք Վանի թագավորությունը հասել է աննախադեպ հզորության: Տնտեսությունը զարգացել է, ստեղծվել է ոռոգման համակարգ, կառուցվել է ջրանցք 72 կմ երկարությամբ, որը մինչ այսօր գործում է։ Մենուան հաղթանակներ է տարել տարածաշրջանի ամենահզոր պետության` Ասորեստանի նկատմամբ և Վանի թագավորությունը վերածել գերտերության:
Մենուայի հաջորդի՝ Արգիշտի I-ի գահակալության տարիներին Վանի թագավորությունը հասել է հզորության գագաթնակետին: Տերությունը ձգվել է Ուրմիայի ավազանի հարավից մինչև Ջավախք, Սևանա լճի ավազանից և Կուր գետից մինչև անդրեփրատյան աջափնյա շրջաններ։
Սարդուրի II-ի օրոք տերությունն ունեցել է առավելագույն տարածքը. հյուսիսում հասել է Սև ծով, հյուսիս-արևելքում` Կուր գետ, արևելքում` Կասպից ծով, արևմուտքում` Փոքր Ասիայի կենտրոնական շրջան, հարավում` Բաբելոնով` Պարսից ծոց, և Դամասկոսի թագավորությունով` Միջերկրական ծով:
Պատմել Վանի թագավորության հիմնադրման մասին:
Ք․ ա II հազարամյակի վերջին և I հազարամյակի սկզբին Ասորիները սկսել էին ավելի հաճախ հարձակվել։ Դա ստիպեց հայկական լեռնաշխարհի տարբեր կազմավորումներին միավորվել մեկ ընդհանուր թշնամու դեմ։ Ք․ ա․ IX դարում Վանա լճի ավազանում ստեղծվեց համահայկական առաջին թագավորությունը։ Այն կոչվեց Վանի թագավորություն, սակայն ասորիները այն անվանում էին Ուրարտու, իսկ աստվածաշնչում հիշատակվում է որպես Արարատ։ Տեղական սեպագրերում թագավորությունը անվանում էին Բիայնիլի։ Առաջին թագավորը եղել է Սարդուրի I-ը։ Նա հիմնադրել է Տուշպա (Տոսպ, Վան) մայրաքաղաքը։
Համեմատել Սարդուրի Ա, Իշպուինի, Մենուա արքաների գործունեությունը, կառավարման ժամանակաշրջանը:
Սարդուրի Ա թագավորել է Ք․ ա մոտ 835-825 թթ․։ Նրա օրոք է ստեղծվել Վանի թագավորությունը, Տուշպա մայրաքաղաքը։
Իշպուինին թագավորել է Մ. թ. ա. մոտ 825–810 թթ-ին։ Նա իրականացրել է մի շարք բարեփոխումներ, որոնք շարունակել է նրա որդի Մենուան, ով թագավորել է մ. թ. ա. մոտ 810–786 թթ. :
Եթե համեմատենք այս երեք թագավորներին, կարծում եմ նրանք բոլորն էլ շատ հզոր էին, մեծ ներդրում են ունեցել Վանի թագավորության զարգացման և հզորացման գործում։