1.Ի՞նչ նմանություն կա սեղմված հեղուկի (կամ գազի) և սեղմված զսպանակի միջև:
Ինչպես հեղուկում, զսպանակում նույնպես սեղմելիս ծագում են առաձգականության ուժեր։ Սակայն
2.Իսկ ինչո՞վ են դրանք տարբերվում:
Սեղմված զսպանակն ազդում է միայն մխոցի և անոթի հատակի վրա, մինչդեռ սեղմված հեղուկն ազդում է ինչպես մխոցի, այնպես էլ հատակի և պատերի վրա։
3.Նկարագրել և բացատրել Պասկալի փորձը:
Պասկալը փայտե տակառն ամբողջությամբ լցրել է ջրով։ Տակառի կափարիչի վրա արված անցքով նա տակառին ուղղաձիգ դիրքով ամրացրել է երկար խողովակ։ Խողովակի մեջ ջուր է լցրել՝ հետզհետե ավելացնելով վերջինիս քանակը։ Երբ խողովակում ջրի մակարդակը հասել է որոշակի բարձրության, տակառի կողմնային պատերը ճեղքվել են, և ջուրը դուրս է ցայտել բացված ճեղքերից։
Փորձի բացատրությունը հետևյալն է։ Խողովակի մեջ լցրած ջուրը տակառի ներսում ստեղծում է հավելյալ ճնշում։ Համաձայն ճնշման սահմանման՝ p = F/S, որտեղ S-ը խողովակի լայնական հատույթի մակերեսն է, իսկ F-ը՝ խողովակում լցրած ջրի կշիռը։ Այդ հավելյալ ճնշումն առաջացնում է տակառի ջրի լրացուցիչ սեղմում։ Դրա հետևանքով տակառի ներսի բոլոր մասերում ջրի ճնշումն ավելանում է հավելյալ ճնշման չափով։
4.Ձևակերպել Պասկալի օրենքը:
Հեղուկի կամ գազի վրա գործադրված ճնշումը հեղուկով կամ գազով հաղորդվում է բոլոր ուղղություններով՝ առանց փոփոխության։
5.Ի՞նչ է հիդրոստատաիկ ճնշումը:
Հեղուկն իր կշիռով ստեղծում է ճնշում, որը կոչվում է հիդրոստատիկ ճնշում։
6.Կախված է արդյոք անոթի հատակին հեղուկի ճնշումն անոթի ձևից:
Ոչ։
7.Գրեք բաց անոթի հատակին անշարժ հեղուկի ճնշման բանաձևը:
p = pgh
8.Գրեք հեղուկի ազատ մակերևույթից հ խորությամբ կետում անոթի պատի վրա հիդրոստատիկ ճնշման բանաձևը:
P = P0+ pgh
9.Ծովում ի՞նչ խորությամբ սուզվելիս ճնշումը կլինի 1 ՄՊա:
100մ խորությունում սուզանավի վրա ճնշումը մոտավորապես 1ՄՊա է։
10.Ի՞նչ է սկաֆանդրը, որքա՞ն կարելի է խորասուզվել սկաֆանդրով:
Սկաֆանդրն անջրանցիկ անհատական հերմետիկ հանդերձանք է՝ բաղկացած պատյանից, սաղավարտից, ձեռնոցներից և ճտքակոշիկներից։ Սկաֆանդրի մեջ ջրասուզակը շնչում է ծովի մակերևույթից փողրակով մատուցվող սեղմված օդը։ Ջրասուզակային սկաֆանդրները հնարավորություն տվեցին ջրաշխարհը հետազոտողներին ազատորեն աշխատելու ջրի տակ՝ ընկղմվելով մինչև 200մ։
11.Ի՞նչ է աքվալանգը, բաթիսֆերան, բաթիսկաֆը:
Աքվալանգ – ջրի տակ շնչելու մեխանիկական սարք, որը բաղկացած է սեղմված օդով լի բալոնից, դիմակից և դրանց միացնող առաձգական խողովակից։ Աքվալանգի շնորհիվ կարելի է ընկղմվել մինչև 40մ և ջրում մնալ մինչև մեկ ժամ։
Բաթիսֆերա – գնդաձև խցիկ է, որի ներսում տեղակայվում են ծովային մեծ խորություններ դիտելու համար նախատեսված սարքեր։ Բաթիսֆերան, որի պատերն ամուր պողպատից են և դիմանում են ջրի մեծ ճնշումներին, ջուրն է իջեցվում նավից՝ պողպատե ճոպաններով։
Բաթիսկաֆ – ինքնագնաց սարք է՝ նախատեսված ծովերի և օվկիանոսների խորքերն ուսումնասիրելու համար։ Կազմված է բաթիսֆերայից, որն ամրացված է մեծ պողպատե ցիստեռնի հատակին։ Ցիստեռն լցված է բենզինով։
Եվա Սմբատյան 