2021-22 ուսումնական շրջանի ձմեռային արձակուրդների ժամանակ՝ դեկտեմբերի 25-ից սկսեցի կարդալ այս գիրքը։ Դեռ չեմ ավարտել գիրքը, բայց կարող եմ ասել, որ շատ հետաքրքիր է, ժանրը՝ արկածային է։Կարծում եմ իմ հասակակիցները այս գիրքը շատ կհավանեն։ Գիրքը ստեղծվել է ֆիլմի հիման վրա, այլ ոչ հակառակը։
Կից դնում եմ գրքի նկարը և նկարագրությունը՝ գրքի հետ ծանոթանալու համար
✨Նկարագրություն✨
Այս գիրքը համատեղ ստեղծագործության եզակի արդյունք է. գրված է ժամանակակից դասական Կորնելիա Ֆունկեի կողմից, «Օսկար» մրցանակի դափնեկիր Գիլերմո դել Տորոյի «Ֆավնի լաբիրինթոսը» նշանավոր կինոնկարի մոտիվներով:
Հեքիաթներով տարված երազկոտ Օֆելիան մոր հետ տեղափոխվում է իր խորթ հոր ռազմական ճամբար ու տնից ոչ հեռու բացահայտում է մի հին լաբիրինթոս, որտեղ էլ հանդիպում է Ֆավնին: Տասնամյա աղջիկը բացահայտում է, որ ինքն իրականում մի կախարդական թագավորության կորած արքայադուստր է:
Իսկ ինչպե՞ս վերադառնա իր թագավորություն:
Մինչև լիալուսին նա պետք է կատարի երեք առաջադրանք, որ նրան է տվել Ֆավնը:
Գիրքը նկարազարդել է հեքիաթների պատկերազարդման վարպետ Ալեն Ուիլյամսը: Հիրավի՛ վիպերգական թափով այս ֆենթեզիում ընթերցողը կհանդիպի առասպելական թրիկսթերների ու արյունարբու հրեշների, դաժան զինվորականների, և խիզախ խռովարարների, և կորուսյալ արքայադստեր, ով չի կորցնում իր տան ճանապարհը գտնելու հույսը…
Եվա Սմբատյան 