1.Ի՞նչ է նշանակում «ֆիզիկա» բառը:
Ֆիզիկա բառը առաջացել է (հունարեն ֆյուզիս` բառից, որը նշանակում է բնություն):
2.Ո՞րն է ֆիզիկայի հիմնական խնդիրը:
Ֆիզիկայի հիմնական խնդիրը շրջակա աշխարհը և այնտեղ տեղի ունեցող երևույթները բացատրելն է։
3.Ի՞նչ է ուսումնասիրում ֆիզիկան:
Ֆիզիկան ուսումնասիրում է մեզ շրջապատող աշխարհը, բնության երևույթները, հայտնաբերում է բնության մեջ տեղի ունեցող տարբեր ֆիզիկական երևույթները, միմյանց կապող օրենքները, բացահայտում երևույթների կապերն ու պատճառները։
4.Քննարկել ի՞նչ է բնությունը:
Բնությունն այն ամենի ամբողջությունն է, ինչը շրջապատում է մարդուն՝ ջուրը, օդը, հողը, ծառերը, կենդանիները, աստղերը, մոլորակները։ Մարդը նույնպես բնության մաս է։
5.Ինչ ես հասկանում բնության երևույթ ասելով:
Բնության մեջ տեղի ունեցող փոփոխություններն անվանում են բնության երևույթներ։
6.Բերել ֆիզիկական երևույթների օրինակներ:
Ավտեմեքենայի շարժվելը, քարի ընկնելը, ջրի սառչելը, սառույցի հալվելը, ջրի գոլորշիանալը, կայծակը, որոտը ֆիզիկական երևույթների օրինակներ են։
7.Թվարկել ֆիզիկական երևույթների տեսակները:
Ֆիզիկան ուսումնասիրում է մեխանիկական, ջերմային, էլեկտրական, մագնիսական, լուսային, ատոմային և միջուկային երևույթները, որոնք կոչվում են ֆիզիկական երևույթներ։
8.Ինչ է ֆիզիկական մարմինը:Բերեք օրինակներ:
Մեզ շրջապատող յուրաքանչյուր առարկա ընդունված է անվանել ֆիզիկական մարմին։ Ֆիզիկական մարմիններ են օրինակ՝ սեղանը, գրիչը, գնդակը, գլոբուսը և այլն։
9.Ինչ է նյութը:Բերեք օրինակներ:
Այն ինչից բաղկացած են ֆիզիկկան մարմինները, կոչվում են է նյութ, օրինակ՝ երկաթ, պղինձ, փայտ, ջուր, օդ և այլն։
10.Ինչ է մատերիան:
Այն ամենը, ինչ գոյություն ունի տիեզերքում՝ երկնային մարմիններ, բույսեր, կենդանիներ և այլն, գիտության մեջ անվանում են մատերիա։ Նյութը մատերիայի տեսակներից է։